| 傻詩's profile傻詩GladysPhotosBlogLists |  Tools  Help |
|
July 15 開心同滿足由6月尾開始就過得好充實,尤其係星期六日.30/6個日同恩去左剪頭髮.之後會合vivian,另一個恩同輝輝行左陣,諗諗下得輝輝一個男仔驚佢會悶臨時打比西芹叫佢出黎食飯佢又得喎,我地一行5人係朗豪坊等西芹.7點幾終於出到黎啦.....西芹打比輝輝問我地响邊點知輝輝將魚米家講左魚家米大家就响度喪笑.就係咁就變左大家既terms啦.lei個都唔係咩問題,最大問題係同西芹講响4樓等佢走左上去11樓既魚米家,搞咩呀完全錯晒.哈哈等到佢返落黎會合大家就去左潮樓食飯.唔知係咪太開心既關係大家好似唔識飽咁...食完飯重要係咁叫甜品食.係潮樓食完都唔夠重去埋石磨坊食.個個食到好飽好滿足咁返屋企.
5/7同西芹啊棟興祝生日去左Neway唱k,果晚西芹當然成為目標不斷比人隊(雖然平時佢都係目標)哈哈...大家玩到2點有d唔係好夠喉,之後要走既就走未玩夠既就上左個fd公司繼續玩...玩左陣之後大家就靜左落黎傾下計.因為佢地實在太耐冇見要聚下舊.到左差唔多5點大家都開始疲啦...得返我同輝輝响度傾計其他既都瞓晒lu~因為西芹返8點所以大家就等到7點半一齊走.返到去搞下lei樣搞下個樣瞓落床都已經9點半.以為有覺好瞓啦...點知12點半就比屋企對面既龍舟比賽呀~嘉年華呀~嘈醒左.救命呀......個刻真係想炸左對面個公園同個海.之後又瞓唔返結果成日就係度唔知做緊咩個頭又痛呆下呆下呆足成日.到夜晚6點幾先瞓得返.lei一瞓就瞓到第二日8點幾起身返工.爽~
7/12個日放左工返屋企眠左陣就同華姐出左去游水,佢要學游水同埋松鼠人响個度當更就係咁去左摩hill,好耐都冇係訓練池游啦~感覺有d唔慣,不過冇所謂當陪華姐.最後我都可以去標準池度游左300m好滿足~因為前個日去左打kick boxing都未recover所以300m已經好足夠.夜晚就同佢去左數碼港睇戲.回程個陣我同華姐行返華富响學校門口撞到啊撻同佢傾左陣就上左華姐屋企,因為有個2年幾冇見既fd上去佢屋企同佢擦鞋,早知我拎埋我個對比佢搞啦....不過我已經同佢講左下次會比埋我個對佢擦...哈哈~傾左陣我就返屋企,因為第二朝要好早起身去當更.好耐都冇試過有咁大既運動量啦...重要係連續3日.做完運動出一身汗既感覺超正!!!
TrackbacksThe trackback URL for this entry is: http://gladyssnwong.spaces.live.com/blog/cns!E0CA0052FAB288B1!445.trak Weblogs that reference this entry
|
|
|
