| 傻詩's profile傻詩GladysPhotosBlogLists |  Tools  Help |
|
September 06 我係中國人從來都唔覺得自己係中國人而感到驕傲,甚至覺得有d討厭,重會話我係香港人唔係中國人想同佢有一段距離,但從512四川大地震開始我改觀啦,睇到同胞點去拯救同胞去幫佢地果刻真係好感動.到8/8京奧無與倫比的開幕,簡直令中國人係世界上既地位提升左唔小,接住果16日既比賽好多時都係中國既天下,而我好多時放左工就返屋企睇奧運,哈哈慳左唔小錢,而我亦係lei個奧運終於知道中國國歌點唱,閉幕雖然唔及開幕好但京奧已經成為我心目中最好既奧運,而京奧閉幕之後個幾日有d失落同空虛好似差咁d野.今日殘奧開幕中國同香港運動員加油. July 23 變左泥鴨13/7果日去左何文田唔知叫咩既草地足球場度當更.去之前已經問左直哥果度環境點架啦~因為佢前個禮拜已經有去.點之都出事.一去度見到係草地已經心知不妙.因為一直我都以為係硬地球場做馬術演習.重要果日係去做helper所以唔駛著u著自己衫.加上連日黎既大雨可以想像到個場會係點!?一踩落個場度立刻叫左出黎對鞋冇啦....跟住心痛...然後後悔點解頭先响HQ唔係locker攞返啊公對鞋黎換咁咪冇咁傷囉~一路嗌笨一路踩落d泥氹度....又要搬搬抬抬...又要起營....又要喂蚊....重要搞到成身勁污漕.....成隻泥鴨咁~之後就係度諗都唔明點解d男仔咁鐘意踢波搞到成身都污漕立撻有乜為?!不過黑極重有~d雨遲唔落早唔落編編去食飯先黎落大雨.個袋擺左响HQ所以冇遮.3個人用一把遮搞到成身濕晒去食飯.感覺極差.......食完飯返去有段空檔,d senior既member拍左個demo.勁搞笑叫左2個member用張顫遮住做隻馬.我就係度影下變做泥鴨既罪證影,雨後既天同埋demo&隻馬.之後下午既演習又開始啦~搞到6點幾終於走得啦.....拿拿淋返屋企沖涼瞓覺.雖然搞到成身污漕立撻,不過都學到d野,同埋今次真係有血有汗唔易賺...哈哈~ July 15 開心同滿足由6月尾開始就過得好充實,尤其係星期六日.30/6個日同恩去左剪頭髮.之後會合vivian,另一個恩同輝輝行左陣,諗諗下得輝輝一個男仔驚佢會悶臨時打比西芹叫佢出黎食飯佢又得喎,我地一行5人係朗豪坊等西芹.7點幾終於出到黎啦.....西芹打比輝輝問我地响邊點知輝輝將魚米家講左魚家米大家就响度喪笑.就係咁就變左大家既terms啦.lei個都唔係咩問題,最大問題係同西芹講响4樓等佢走左上去11樓既魚米家,搞咩呀完全錯晒.哈哈等到佢返落黎會合大家就去左潮樓食飯.唔知係咪太開心既關係大家好似唔識飽咁...食完飯重要係咁叫甜品食.係潮樓食完都唔夠重去埋石磨坊食.個個食到好飽好滿足咁返屋企.
5/7同西芹啊棟興祝生日去左Neway唱k,果晚西芹當然成為目標不斷比人隊(雖然平時佢都係目標)哈哈...大家玩到2點有d唔係好夠喉,之後要走既就走未玩夠既就上左個fd公司繼續玩...玩左陣之後大家就靜左落黎傾下計.因為佢地實在太耐冇見要聚下舊.到左差唔多5點大家都開始疲啦...得返我同輝輝响度傾計其他既都瞓晒lu~因為西芹返8點所以大家就等到7點半一齊走.返到去搞下lei樣搞下個樣瞓落床都已經9點半.以為有覺好瞓啦...點知12點半就比屋企對面既龍舟比賽呀~嘉年華呀~嘈醒左.救命呀......個刻真係想炸左對面個公園同個海.之後又瞓唔返結果成日就係度唔知做緊咩個頭又痛呆下呆下呆足成日.到夜晚6點幾先瞓得返.lei一瞓就瞓到第二日8點幾起身返工.爽~
7/12個日放左工返屋企眠左陣就同華姐出左去游水,佢要學游水同埋松鼠人响個度當更就係咁去左摩hill,好耐都冇係訓練池游啦~感覺有d唔慣,不過冇所謂當陪華姐.最後我都可以去標準池度游左300m好滿足~因為前個日去左打kick boxing都未recover所以300m已經好足夠.夜晚就同佢去左數碼港睇戲.回程個陣我同華姐行返華富响學校門口撞到啊撻同佢傾左陣就上左華姐屋企,因為有個2年幾冇見既fd上去佢屋企同佢擦鞋,早知我拎埋我個對比佢搞啦....不過我已經同佢講左下次會比埋我個對佢擦...哈哈~傾左陣我就返屋企,因為第二朝要好早起身去當更.好耐都冇試過有咁大既運動量啦...重要係連續3日.做完運動出一身汗既感覺超正!!!
May 02 擔心極了自從媽咪3月頭入左院做手術之後,好耐都冇去過街啦.佢做手術果日簡直就係我有生之年過得最漫長既一日.朝早7點幾去到醫院打點好一切,8點同佢去手術室之後就返工,一路做野一路望住個鐘,等下一個鐘等下又一個鍾,點解重未有電話到?lei一等就等到零晨兩點,足足18個鐘.响lei段時間裏面簡直就係人間地獄,腦袋一片空白.......直至醫院打黎先放下心頭大石..lei 1個月既活動範圍離不開醫院,屋企同公司,除左lei3 個地方外就再冇第4個地方,每日放工就趕去醫院.放假瞓醒就整野比媽咪食跟住就去醫院,跟本就冇時間去街,不過我從冇任何怨言.因為見到佢虛弱既身體,好辛苦,好痛但你又乜都做唔到又幫唔到.果種感覺真係又難受又心痛,尤其係岩岩做完手術响icu入面個日,見到佢我差d忍唔住喊左出黎,成身插晒喉,真係好心酸.不過見佢一日比一日好都放心左d,雖然有時都反覆,但係醫生話已經過左最危險既時間應該冇乜大問題.終於明白點解d人話病人成個細路仔咁.....佢一見到我就响度扭計,又lei樣又果樣,有時對住佢真係心力交瘁,不過冇計,鬼叫佢係我媽咪咩,幾辛苦都要照顧佢.哈哈4月4號可以出院啦.....真開心.不過4月尾又要返入去做手術攞返條喉出黎.希望做完lei個之後就唔駛再做啦....... 成個月冇出個去,4月6號同亞恩去左尖咀行街.唔知係咪大耐無出去有d唔係好慣.一出到去鼻敏感,個鼻喪痕,痕到想切左佢.成個幾鐘先冇事,真慘.食完野一行7人去睇張敬軒演唱會.開頭都係諗住去聽歌.但係就越睇有越驚喜,唱得好唔在話啦,重要成晚既氣氛都好好.佢同黃菀芝個part好正.我同亞恩一路睇一路話唔好係kenny做嘉賓唔想睇佢呀.好彩唔係佢係鄧健泓.之後又响觀眾席請謝安琪落黎.最估唔到既係eason做嘉賓呀.....我同亞恩一見到佢出場開心到癲左(由其亞恩lei個超級fans.哈哈).簡直就係成晚既高潮.整體黎講個演唱會好正~ April 21 新工作3月頭返新工感覺好好呀...返工時間雖然長左,但係就近左好多.返9:00,8:30先起身都未遲,重要唔會遲到tim, hehe.以前返工就驚塞車遲到,而家就冇lei個問題啦...因為我行路返工架囉, haha勁正.老細又好人,冇咩架子又肯教我,話晒我都係lei行既初哥咩都唔識.但係我都極度唔好意思.因為返工第2個禮拜就因為媽咪有事,我成日要遲返早走,都差唔多成個禮拜咁耐,好彩得我老細體諒,thanks so much kenny. 重因為咁我耿耿於懷左好耐,d朋友都有開解我,同我講你都唔想架嘛亦都冇人想所以唔好諗咁多.照顧好媽咪先,亦都因為lei件事我連學都要停左先,幾時可以返都未知.响lei段時間裏面我成日都做錯野,錯到連我自己都覺得不可原諒.雖然真係咩都唔識,但係lei個唔係籍口,小心d咪唔會錯囉.做錯野我老細冇話我d咩,但係有時因為我做錯野而忟憎.但都只係會講小心d啦,唔好再錯啦.知道收到我會盡量減低出錯架啦...sorry!!!
April 10 2月份的點滴2月份基本上都冇乜特別野發生,新年都係去拜年lei d例牌動作,不過因為新年假期後即刻要考試所以初三初四都係留响屋企溫書,但係超難溫黎溫去都唔入腦,所以考得唔好 October 02 幸福幸福究竟係一種點既感覺?!係咪唔同人對lei 2個字有唔同既感覺?!有d人好開心咁過每日就覺得幸福...有d人有父母响身邊就覺得幸福...有d人密運中就覺得幸福....等等等等.........响某d朋友眼中我好幸福...但係係咪真ga呢?!表面上好似好幸福,但實際上係唔係呢?!連我自己都唔知........?!我只係知我lei排好煩惱.......幸福離我好遠lu~ August 22 遊船河19/8ams搞遊船河,星期六晚突然間行雷閃電重落大雨,心諗死啦點去玩呀~好彩天公做美,不但冇落雨重好好太陽tim...雖然有d人都唔熟有d更加唔識!!!但係同自己個屆d fd都玩得好開心...地點就係西貢既白立灣.lunch前就去左曬太陽,人擦黑鬼人我擦黑鬼油...唔知點解個個都曬得黑,只得我曬到又紅又痛傷晒...好似乜都冇擦咁...一心想曬黑但點知搞成咁?!唉....超灰.....之後去左玩香蕉船,原來同响泰國玩好唔同,我覺得响香港玩好玩好多.......食完lunch個個坐响度抖,我地幾個又出動啦.....坐快艇出去玩ripboard,我都係第一次玩咋....超好玩,哈哈...我起到水重滑到幾下超滿足...玩完一次之後已經愛上左lei個運動.除左玩ripboard,沿途都見到好多山呀石呀..影完相玩完就返左上船hea左陣...之後就拎住個水泡游左去沙灘,隻船同沙灘個位置好遠...游到去都見唔到隻船响邊,玩左陣就要回程啦...因為大多人游船河既關係,回程時前後都有十幾隻船一齊返西貢碼頭場面浩蕩,感覺就似搶灘咁,幾得意...都未試過咁多隻船一齊出海.今次玩得好盡興.....好期待下次船河之旅 August 02 惡作劇之吻近日愛上了一部台劇.....惡作劇之吻,雖然電視而家都做緊...但係我都急不及代問同事借左套劇返屋企睇.每日返屋企第一件事就係煲碟.飯又唔煮,覺又唔瞓.不眠不休咁煲.睇完一次又一次.但係都唔會覺得厭架喎.咁大個都未試過咁癲.不過真係好好睇.劇情又好.對白又底死.男主角又可愛.真係值得推介一下...雖然係咁但係我都覺得有點兒那過...因為近排掛住煲劇冷落左bb...令到bb好唔開心...實在唔知點算好?! June 26 近況好耐冇上黎寫野啦...都有成年啦....
回顧lei年發生左好多野.....超忙..忙到好似失左蹤咁...同d朋友都冇乜聯絡,佢地搵親我都唔得閒...
(在此向各位朋友說聲對不起!!!)
同大家報告一下我既行蹝啦...
我搬左屋啦..lei年我搬左3次屋,搬得勁密,好彩最後比我搵到間好屋,唔駛再搬啦...原來搵屋同搬屋都超煩超辛苦,不過搬返近daddy關係好左都係值得同開心嫁,起碼多左見面同食飯,感覺好好呀...
工作又勁忙,好似d時間唔夠用咁成日開OT都做唔晒d野,但係做得好開心,老細對我好好,私底下重係好朋友,大家有咩唔開心都會互相傾訴,互相扶持.
最後就係ams啦...自從passing out之後都冇再搵過d同學lu,除左同隊個d啦!落左隊唔夠2個月又調左去上堂一上就上左半年,好啦..歸隊啦又話放暑假...所以同大部份師兄師姐都唔係太熟,好彩之前去training camp 同當更識左d師兄師姐,如果唔係都唔知點算?!雖然放暑假,不過都報左傳染病課程讀.7月2日考水試,如果成功就會開始銅章training,到時就又成個7月都有排忙,考唔到就唔會太忙lu,可以搵返d朋友出黎聚一聚. May 25 久違了的傷痛感覺~北極雪北極雪lei首歌可以對普通人來說可能冇乜特別感覺...甚至唔知係咩歌?!但係對我黎講就意義心遠....因為lei首歌係我同一個已經不在世上既朋友,每次去唱k都會唱既一首歌~~lei首歌就好似係我們的合唱歌...因為响我地成班朋友中只係得佢識唱...重唱得好好聽...無論佢想唔想唱都好只要我一點佢就會陪我唱...lei首歌真係好好聽架~~自從佢走左之後我都無再聽過唱過lei首歌~~因為怕觸景傷情!!!
但係世事往往就係咁?!當你以為放低左既時候...佢就會响你面前出現.....點解咁講???因為尋晚同d朋友去左山林道飲野...突然之間o個間bar播lei首歌....响o個一刻所有同佢度過既回憶,個種傷痛ga感覺全部都返晒黎....d眼淚就不由自主地滑落  ....以為自己已經放低左但原來唔係...只係張佢埋藏响心底...只要有d關於佢ga野都會觸動到我ga心靈....果種感覺真係好難受 好唔開心...不過我會學會去放低~~~再見啦~~我的好朋友 May 22 日記尋日我同啊妹唔知食錯咩藥?!勁乖  一早起身同媽咪去大圍飲茶....飲到咁上下我同啊妹開始發癲攞部相機出黎喪影低能相~~~飲完茶之後同媽咪&啊妹响大圍行左陣跟住返屋企....到左2點幾我約左幾個朋友去左田心消防局練體能同步操~~勁攰  操到5點幾大家就上左我屋企hea...唔知去邊好?!哈哈過左陣大家都諗到去邊啦~~就係新城市o個個snoopyland..因為我未去過所以好想去影下相 ,跟住去左玩具反斗城玩左陣.....諗住去食飯點知間間餐廳都勁多人要等成3~40張枱 最終好無奈咁搭車返屋企留下間泰國餐廳食飯~食完飯大家就各散東西lu~~~今日因為落雨既關係,所以又係好乖咁留左响屋企冇出街~~~唔知點解突然間好想整野食,就叫啊妹幫我落街買料整blueberry cheesecake  哈哈~~啊妹佢地有食神啦~~到食飯個陣..我諗諗下先知自己原來成個禮拜都冇返屋企食飯啦~~唉...下個禮拜返多d屋企食飯先.....不過唔知我得唔得呢?! May 06 崩潰...前晚同班朋友出去飲野,may be係飲左酒既關係?!同個朋友傾傾下計,突然間好似癲左咁喪喊.....d眼淚好似黃河缺堤baba聱係咁流..喊到收唔到聲...個刻真係完全崩潰......因為怇地知我為咩事唔開心,.佢地不斷安慰我同開道我,其實個晚我已經貓左....走前我比個fd打左我一巴,但係我冇怪過佢同嬲佢,因為我知道佢係為我好先會咁做.第二朝訓醒對眼腫到爆,完全唔想見人樣衰到震.....
個晚我搞到大家真係唔好意思.....
但我真係好想同你地講~~~
I LOVE ALL OF THEM SO MUCH
 & 錫晒你地 !!!May 02 CampLei 個勞動節假期同成班朋友去左camp,去到例牌都係打麻雀,游水,踩下單車,燒下野食咁...入到去就即刻開枱,好似好爛賭,但係其實最大八番都係$12.8,超級衛生.第一晚就比蚊香d煙搞到我鼻敏感嚴重發作聱都變晒...食左藥先好小小咋.不過我都冇理照玩.猜圍枚又勁多規舉,{你,我,飲}唔講得,搞到未玩已經飲左好多,睇住大家係咁中又要轉nicam黎玩真係笑都笑死...第二日出太陽,我地就去左晒太陽,游水同摸蜆,咁大個女都係第一次摸蜆咋...好好玩,不過就搞到曬傷左d皮膚而家重痛緊....我地攞左d蜆去燒同炒,勁好食,可能係自己摸所以特別滋味.夜晚燒完野食無聊冇野做踩架單車四圍去,踩到去停機坪即興影左好多瘋狂寫真,而家諗返都覺得好好笑同好低B...回程時重見到有10隻牛响馬路邊食草,大家就停低部車睇佢地開餐.之後返到入屋玩bingo遇到2個老千贏晒我地d錢...走既時候又响架船度影左好多白痴相,返到出市區大家都好似意猶未盡唔想返屋企,就齊齊去左瑤瑤屋企再玩過,玩到9點幾先去食飯返屋企.lei 3日真係過得好充實,好開心!!! April 28 多事的四月今年既四月發生左好多事,開心唔開心都有好多,好似一整年既事放晒落一個月內發生,我搬左返屋企,我既生日,我既重生,我同佢唔知解唔解決到既問題,等等...等等...好多好多既問題.不過最令我覺得感動ga係我身邊有一班好好ga朋友,佢地知我有事驚我唔開心,就二話不說黎陪我開解我,重同我講你想點都得無所謂.做緊要你開心,有咩事實撐你,做朋友比個膊頭你喊又點話,個一刻我真係好鬼開心,自己身邊有好多關心我錫我既真正朋友.
Thanks! |
There are no categories in use.
|
||||||||||||
|
|
